Welcome

Welcome

17.08.16 நாடு முழுவதும் பேட்ச் அணிந்து ஆர்ப்பாட்டம்...

17.08.16 நாடு முழுவதும் பேட்ச் அணிந்து ஆர்ப்பாட்டம்...

BSNLEU மதுரை மாவட்ட மாநாடு அறைகூவல் . . .

BSNLEU மதுரை மாவட்ட மாநாடு அறைகூவல்  . . .

Monday, 29 August 2016

30.08.16மதுரை GM(O)-TRCயில் பணிநிறைவு பாராட்டு விழா.

அருமைத் தோழர்களே ! 30.08.16 அன்று மதுரை GM(O)-TRCயில்  ஆகஸ்ட் மாதத்திற்கான 126வது  பணிநிறைவு பாராட்டு விழா காலை 11 மணிக்கு நடைபெறவுள்ளது. 


தோழர்கள் பணி நிறைவு காலத்தில் எல்லா வளமும், எல்லா நலமும் பெற்று குடும்பத்தாருடன் பல்லாண்டு வாழ்க என நாம் உளமார வாழத்துகிறோம்.

மகத்தான கலைஞனுக்கு கண்ணீர் அஞ்சலி.

மக்கள் இசைப் பாடகரும் தமுஎகச திருநெல்வேலி மாவட்டச் செயலாளருமான, அன்புத் தோழன் நெல்லை திருவுடையான் சேலத்திலிருந்து ஊர் திரும்பும் வழியில், வாடிப்பட்டி அருகில் விபத்தில் மரணம். திருவுடையான் உடல் மதுரை - வாடிப்பட்டி அரசு மருத்துவ மனையில் உள்ளது. (அவரது தம்பி தண்டபாணி மதுரை மீனாட்சி மிஷனில் சேர்க்கப்பட்டிருக்கிறார்.)



Saturday, 27 August 2016

27-08-16 செப்-2, வேலைநிறுத்த விளக்க கூட்டம்...

அருமைத் தோழர்களே !  நமது BSNLEU மதுரை மாவட்ட சங்கம் சார்பாக 27-08-16 அன்று மதுரை GM அலுவலகத்தில் மதியம் 1மணிக்கு  செப்-2, வேலைநிறுத்த விளக்க கூட்டம்...மாவட்ட தலைவர் தோழர்.A. பிச்சைக்கண்ணு அவர்கள் தலைமையில் மிகவும் சிறப்பாக நடைபெற்றது. . . .
மாவட்டச் செயலர் தோழர்.C. செல்வின் சத்யராஜ் வரவேற்புரை நிகழ்த்தினார். அதன்பின் நமது சிறப்பு அழைப்பாளர் இன்சூரன்ஸ் ஊழியர்சங்கம் AIIEA நிர்வாகி தோழர். N. சுரேஷ் குமார் செப்-2, போராட்டத்தின் அவசியம் குறித்து மிகவும், சிறப்பானதொரு விளக்க வுரையை நிகழ்த்தினார்....
தொடர்ந்து தோழர்கள், ஜான் போர்ஜியா, சூரியன், சோணைமுத்து ஆகியோரும் செப்-2, போராட்டம் குறித்து உரைநிகழ்த்தினார்கள். தோழர். சந்திர சேகர் நன்றியுரை நிகழ்த்தி னார். 60 பெண்கள் உட்பட 200க்கும் மேற்பட்டோர் கூட்டத்தில் கலந்து கொண்டு கூட்டத்தை சிறப்பித்தனர்.

செப்.2:தொழிலாளர்உரிமைப்போர் . . .

நாட்டிலுள்ள உழைக்கும் வர்க்கம் வரும் செப்டம்பர் 2 அன்று பொது வேலை நிறுத்தத்தை மேற்கொள்ள தயாரிப்புப்பணிகளைச் செய்து கொண்டிருக்கிறது. இது, 1991ல் தாராளமயக் கொள்கைகளை ஆட்சியாளர்கள் கடைப்பிடிக்கத் துவங்கியபின் நடைபெறும் 17ஆவது பொது வேலைநிறுத்தமாகும். தாராளமயத்தை அமல்ப டுத்தத்  துவங்கிய கடந்த 25 ஆண்டுகளில், இந்த 17 வேலைநிறுத்தங்களும் தொழிலாளி வர்க்கத்தால் நவீன தாராளமயத் தாக்குதலுக்கு எதிராக மேற்கொ ள்ளப்பட்ட மிகப்பெரிய அளவிலான எதிர்ப்பு நடவடிக்கைகளாகும். உழைக்கும் மக்களைக் கடுமையாகப் பாதிக்கக் கூடிய அனைத்து முக்கியப் பிரச்சனைகளையும் உள்ளடக்கி ஒரு 12 அம்சக் கோரிக்கைச் சாசனம் உருவாக்கப்பட்டு அதன்கீழ் இவ்வேலைநிறுத்தத்திற்கு அறைகூவல் விடுக்கப்பட்டிருக்கிறது.இவற்றில் விலைவாசியைக் கட்டுப்படுத்து, பொது வினியோக முறையை வலுப்படுத்து, தொழிலாளர் நலச் சட்டங்களை தொழிலாளர் விரோத சட்டங்களாக மாற்றாதே, தனியார்மயத்தை நிறுத்து, பொதுத்துறை நிறுவனங்களைத் தனியாருக்குத் தாரை வார்க்காதே, ஒப்பந்த வேலைகளுக்கு முற்றுப்புள்ளி வைத்திடு, மாதத்திற்கு 18 ஆயிரம் ரூபாய் குறைந்தபட்ச ஊதியம்வழங்கிடு, அணிதிரட்டப்படாத முறைசாராஊழியர் உட்பட அனைத்துத் தொழிலாளர்களுக்கும் 3 ஆயிரம் ரூபாய் உத்தரவாதப்படுத்தப்பட்ட ஓய்வூதியம் வழங்கிடு உள்ளிட்ட கோரிக்கைகளும் அடங்கும்.
ஒருமுறை கூட பேசாத அரசு
சரியாக ஓராண்டுக்கு முன்பு 2015ல் இதே செப்டம்பர் 2 அன்று மத்தியத் தொழிற்சங்கங்கள் மற்றும் சுயேட்சையான மத்திய, மாநில அரசு ஊழியர் சம்மேளனங்கள் இணைந்து ஒரு வேலை நிறுத்தத்தை நடத்தின. ஆனால், மோடி அரசாங்கம்,தொழிற்சங்கங்கள் முன்வைத்த கோரிக்கை எதையும் நிறைவேற்றத் தவறிவிட்டது. அப்போது வேலைநிறுத்தத்திற்கு முன்பு, தொழிற்சங்கங்களுடன் பேச்சு வார்த்தை நடத்துவதற்காக அமைக்கப்பட்ட அமைச்சரகக் குழு அதன்பின்னர் இந்த சங்கங்களுடன் ஒரு முறை கூட பேச்சுவார்த்தை நடத்திடவில்லை. மாறாக, மோடி அரசாங்கம், தன்னுடைய தொழிலாளர் விரோத நடவடிக்கைகளைத் தொடர்ந்து மேற்கொண்டு வருகிறது.
அதுமட்டுமல்ல, சில முக்கியமான பொதுத்துறை நிறுவனங்களைத் தனியாரிடம் தாரை வார்ப்பதற்கும் முன்மொழிவுகளை மோடி அரசாங்கம் மேற்கொண்டிருக்கிறது. தொழிலாளர் நலச் சட்டங்களைத் தொழிலாளர் விரோத சட்டங்களாக மாற்றுவதற்கான வரைவுகளும் தயாராகிக் கொண்டிருக்கின்றன. ஏற்கனவே சில பாஜக மாநில அரசாங்கங்கள், தொழிலாளர்களின் உரிமைகளைக் கடுமையாகப் பாதிக்கக்கூடிய விதத்தில், மாற்றங்களைக் கொண்டு வந்திருக்கின்றன.
வெற்றுத் தம்பட்டத்தால் பலன் இல்லை
தொடர்ந்து விஷம்போல் ஏறிவரும் விலைவாசி உயர்வும், உணவுப் பணவீக்கமும் உண்மையான ஊதியங்களை அரித்துக் கொண்டிருக்கின்றன. உணவுப் பணவீக்கம் ஜூலை மாதத்தில் 11.82 சதவீதமாக அதிகரித்திருக்கிறது. இதே மாதத்தில் நுகர்வோர் விலைவாசிக் குறியீட்டெண்ணும் 6.07 சதவீதம் உயர்ந்திருக்கிறது. இது கடந்த 23 மாதங்களில் அதிகபட்ச உயர்வாகும். ‘இந்தியாவில் உற்பத்தி செய்வோம்என்று இவர்கள் அடித்த தம்பட்டத்தின் மூலம் புதிய வேலைகள் எதையும் எந்தவிதமான தொழிற்சாலைகளிலும் இவர்களால் உருவாக்க முடியவில்லை.வேலைநிறுத்தத்திற்கான பிரச்சாரம் மேற்கொள்ளப்பட்டிருக்கையில் ஆட்சியாளர்களுக்கு எதிராகத் தொழிலாளர்களின் கோபம் உக்கிரமடைந்திருப்பதையும், தங்கள் உரிமைகளுக்காக ஒன்றுபட்டுப் போராட அவர்கள் உறுதியுடன் இருப்பதையும் பார்க்க முடிகிறது. இவ்வாறு தொழிலாளர்களின் மத்தியில் உருக்குபோன்று ஒற்றுமை வளர்ந்து வரும் பின்னணியில், ஆர்எஸ்எஸ்-இன் கட்டளைக்கிணங்க பாரதீய மஸ்தூர் சங்கம் வேலைநிறுத்தத்தில் கலந்துகொள்ளாது என்று அறிவித்துள்ள போதிலும், அதன்கீழ் வேலை செய்யும் தொழிலாளர்களும் ஊழியர்களும் வேலைநிறுத்தத்தில் ஈடுபடுவதை அதனால் தடுத்திட முடியாது.மக்களை மதத்தின் அடிப்படையில் பிரித்திட மதவெறி சக்திகள் மேற்கொண்டுள்ள முயற்சிகளுக்கு தொழிலாளர்களின் ஒன்றுபட்ட வேலைநிறுத்தம் மரண அடி கொடுப்பது போல அமைந்திடும். நவீன தாராளமயக் கொள்கைகளின் தாக்குதலுக்கு உள்ளாகியுள்ள இதர பகுதி உழைப்பாளி மக்களிடமிருந்தும் போராட்டத்தில் ஈடுபடவுள்ள தொழிற்சங்கங்கள் மற்றும் ஊழியர் அமைப்புகளின் தொழிலாளர்கள் ஆதரவினைப் பெற்றிருக்கிறார்கள். வேலைநிறுத்தத்திற்கு பல்வேறு விவசாய மற்றும் விவசாயத் தொழிலாளர் சங்கங்கள் ஆதரவினைப் பிரகடனம் செய்திருக்கின்றன.
தங்கள் தார்மீக மற்றும் எதிர்ப்பு நடவடிக்கைகளையும் அவர்கள் மேற்கொள்ள இருக்கின்றனர். கல்வி நிறுவனங்களில் அன்றைய தினம் வேலைநிறுத்தத்தில் ஈடுபடப் போவதாக மாணவர் அமைப்புகளும் அறைகூவல் விடுத்திருக்கின்றன .செப்டம்பர் 2, உழைக்கும் மக்களின் பெரும் திரளான போராட்டத்தை முன்னறிவிக்கும் விதத்திலும், உரிமைகளை உறுதிப்படுத்தும் விதத்திலும், மாற்றுக் கொள்கைகளைக் கோரும் விதத்திலும் மாறும்.

24-08-16 நமது கண்டன ஆர்ப்பாட்டம் -மாநில சங்கம்...


Friday, 26 August 2016

27-08-16 மதுரை GM (O)-ல் நடக்க இருப்பவை . . .


26-08-16 செப்-2, வேலைநிறுத்த பிரச்சாரம்5-ம் நாள்.

அருமைத் தோழர்களே ! செப்-2, அகில இந்திய பொது வேலைநிறுத்தத்தி ற்கான பிரச்சார பயணம் நமது மதுரை மாவட்ட சங்கத்தின் சார்பாக 5-ம் நாள் 26-08-16 காலை கொடைக்கானலில் துவங்கியது. இப்பயணத்தில் நமது மாவட்டத்தலைவர் தோழர்.எ. பிச்சைக்கண்ணு, மாவட்டசெயலர் தோழர்.சி. செல்வின் சத்தியராஜ் இருவரும் பங்கேற்றனர்...
அதன்பின் வத்தலக்குண்டு தொலைபேசியக்கத்தில் நடைபெற்ற வேலை நிறுத்த விளக்க கூட்டத்திற்கு கிளைத் தலைவர் தோழர்.கே. மகாராஜன் தலைமை வகுத்தார். கிளை செயலர் தோழர்.கே. சின்னையன் வரவேற்புரை நிகழ்த்தினார். தோழர்கள், எ. பிச்சிக்கண்ணு, சி. செல்வின் சத்திய ராஜ்  ஆகிய  இருவரும் சிறப்புரை நிகழ்த்தினார்கள். தோழர். கே. பழனியாண்டி நன்றியுரை கூறினார்.
அதனை தொடர்ந்து நிலக்கோட்டையில் நடைபெற்ற வேலை  நிறுத்த  விளக்க கூட்டத்திற்கு தோழர்.ஜே. சாலமோன் தலைமை தாங்கினார். கிளைச்செயலர் தோழியர்ஸ்டெல்லா,வரவேற்புரைநிகழ்த்தினார்தோழர்கள், எ. பிச்சிக்கண்ணு, சி. செல்வின் சத்திய ராஜ்  ஆகிய  இருவரும் சிறப்புரை நிகழ்த்தினார்கள்.. தோழர்.பி. மலைச்சாமி நன்றி கூற நிகழ்சசி இனிதே நிறைவுற்றது.

JTO இலாக்கா போட்டி தேர்வு - தள்ளிவைப்பு . . .

அருமைத் தோழர்களே ! நமது BSNL-லில் 28.08.2016 அன்று நடைபெற இருந்த JTO இலாக்கா போட்டி தேர்வு மற்றும் 10% JAO இலாக்கா போட்டி தேர்வு, இரண்டும், 24.09.2016 ம் தேதிக்கு தள்ளி வைக்கப்பட்டுள்ளது. கடிதம் காண இங்கே கிளிக் செய்யவும்.

Thursday, 25 August 2016

25-08-16 செப்-2, வேலைநிறுத்த பிரச்சாரம் 4-ம் நாள்.

அருமைத் தோழர்களே !  செப்-2, வேலைநிறுத்த பிரச்சாரம் 4-ம் நாளாக நமது BSNLEU மதுரை மாவட்ட சங்கத்தின் சார்பாக, 25-08-16 காலை சின்னாளபட்டியில்  துவங்கி, கன்னிவாடி, பழனி, ஓட்டன்சத்திரம் ஆகிய ஊர்களில் ஊழியர்களை  சந்தித்தித்து விட்டு பழனியில் நடைபெற்ற போராட்ட விளக்க கூட்டத்திற்கு பழனி கிளைத்தலைவர் தோழர். ஜே. சாது சிலுவைமணி தலைமை தாங்கினார் மாவட்ட தலைவர் தோழர் எ. பிச்சைக்கண்ணு, மாவட்டசெயலர் தோழர்.சி. செல்வின் சத்தியராஜ் இருவரும் உரைநிகழ்த்தினர். கிளை செயலர் தோழர். அன்பழகன் நன்றிகூறினார்.. . . . .
திண்டுக்கல்லில் நடைபெற்ற போராட்ட விளக்க கூட்டத்திற்கு கிளைத்தலைவர் தோழியர். எஸ். சுமதி தலைமை தாங்கினார். கிளை செயலர் தோழர்.கே.எஸ். ஆரோக்கியம் வரவேற்புரை நிகழ்த்தினார். செப்-2, போராட்டத்தின் கோரிக்கைகளை விளக்கி மாவட்டத்தலைவர் தோழர். எ. பிச்சைக்கண்ணு, மாநில துணைத் தலைவர் தோழர். எஸ். ஜான் போர்ஜியா, முன்னாள் மாவட்ட செயலர் தோழர். எஸ். சூரியன், மாவட்ட அமைப்புச் செயலர் தோழர். கே.என். செல்வன், மாவட்ட செயலர் தோழர். சி. செல்வின் சத்தியராஜ் ஆகியோர் உரை நிகழ்த்தினர். இறுதியாக கிளைப்பொருளர் தோழர். பாக்யராஜ் நன்றி கூறி கூட்டத்தை முடித்து வைத்தார். இப்பிரச்சார பயணத்தில் மேலும் தோழர்கள், வைத்திலிங்க பூபதி, அய்யனார்சாமி, பழனிக்குமார், விஜயக்குமார் ஆகிய மாவட்ட சங்க நிர்வாகிகளும் பங்கேற்றனர்.

24-08-16,மதுரையில் திரிமுனால் காங்கிரசை கண்டித்து ஆர்ப்பாட்டம்.

அருமைதோழர்களே!  கடந்த 19.08.2016 அன்று நமது மேற்கு வங்க BSNLEUமாநில சங்க அலுவலகத்தின் மீது,  திர்ணாமூல் கூலி ஆட்கள் கொலைவெறி தாக்குதல் நடத்தியுள்ளனர்.  அலுவலகத்தில் இருந்த நாற்காலிகள்,மின் விசிறிகள்விளக்குகளை சேதப்படுத்தினர்அலுவலக மேஜை உள்ளிட்டபொருட்களை வெளியில் தூக்கி எறிந்துள்ளனர்நமது 
பூட்டை உடைத்துதிர்ணாமூல் குண்டர்கள் அவர்களின் பூட்டை பூட்டி சென்றுள்ளனர் . 
நமது மாநில சங்க அலுவலகம்,CTO வளாகத்தில் இருக்கிறதுஇருப்பினும்திர்ணாமூல் கூலி ஆட்கள் துணிந்துதாக்குதல் நடத்தி உள்ளனர்உடனடியாகநமது மேற்கு வங்காள மாநில சங்கம்மாநில தலைமை மேலாளரிடம்புகார் தெரிவித்தும்இன்று வரை நடவடிக்கை எதுவும் இல்லைகுறைந்தபட்சம், FIR கூட  பதியப்படவில்லை   என்பது வேதனையான ஒன்றுநமது மத்திய சங்கம் CMD அவர்களிடம் முறையீடு செய்துள்ளது.திர்ணாமூல் குண்டர்களின் தாக்குதலை கண்டித்து 24.08.2016, புதன்கிழமை அன்று நாடு முழுவதும் கண்டனஆர்ப்பாட்டம் நடத்த நமது BSNLEU மத்திய சங்கம் அறைகூவல் கொடுத்துள்ளதுஅதன்படி,...
மதுரையில் 24-08-16 மதியம் 1 மணிக்கு லெவல்-4 வாழகத்தில் மாவட்ட தலைவர் தோழர்.எ. பிச்சைக்கண்ணு தலைமையில் மாபெரும் கண்டன ஆர்ப்பாட்டம் நடைபெற்றது. 35 பெண்கள் உட்பட நூற்று கணக்கானோர் ஆர்ப்பாட்டத்தில் கலந்து கொன்டு கண்டன முழக்கம் எழுப்பினர். தோழர்கள் கே. பழனிக்குமார் . எஸ். சூரியன், என். சோணைமுத்து, மற்றும் மாவட்ட செயலர் தோழர்.சி. செல்வின் சத்திய ராஜ் ஆகியோர் கண்டான் உரை நிகழ்த்தினார்கள். இறுதியாக மாவட்ட அமைப்பு செயலர் தோழியர். வி. ராஜேந்தரி நன்றி கூறினார்.


24-08-16 திண்டுக்கல்லில் கண்டித்து ஆர்ப்பாட்டம்.

நமது மதுரை SSAயில் 24-08-16 அன்று காலை 10 மணிக்கு திண்டுக்கல் தொலைபேசியக்த்தில் கண்டன ஆர்ப்பாட்டம் மிக சக்தியாக நடைபெற்றது.. ஆர்ப்பாட்ட கூட்டத்தில் 10 பெண்கள் உட்பட 60க்கும் மேற்பட்டோர் கலந்துகொண்டு கண்டன குரல் எழுப்பினர்.ஆர்ப்பாட்ட கூட்டத்திற்கு கிளைத்த தலைவர் தோழியர் எஸ். சுமதி தலைமை தாங்கினார் கிளை செயலர் கே.எஸ். ஆரோக்கியம் , மாநிலத்துணைத்தலைவர் தோழர்.எஸ். ஜான் போர்ஜியா, மாவட்ட சங்க நிர்வாகி தோழர் எ.குருசாமி , என்.எப்,டி.இ விஜயரெங்கன் ஆகியோர் உரையாற்றினார்கள். இறுதியாக கிளைப்பொருளார் தோழர். பாக்யராஜ் நன்றிகூறினார்.

27.08.16 நடக்க இருப்பவை . . . அவசியம் வாங்க !


Wednesday, 24 August 2016

மேற்கு வங்க BSNLEU அலுவலகம் தாக்குதலைகண்டித்து ஆர்ப்பாட்டம்

அருமைத் தோழர்களே !  கடந்த 19.08.2016 அன்று நமது மேற்கு வங்க BSNLEU மாநில சங்க அலுவலகத்தின் மீதுதிர்ணாமூல் கூலி ஆட்கள் கொலை வெறி தாக்குதல் நடத்தியுள்ளனர்.  அலுவலகத்தில் இருந்த நாற்காலிகள், மின் விசிறிகள், விளக்குகளை சேதப்படுத்தினர். அலுவலக மேஜை உள்ளிட்ட பொருட்களை வெளியில் தூக்கி எறிந்துள்ளனர். நமது பூட்டை உடைத்து திர்ணாமூல் குண்டர்கள் அவர்களின் பூட்டை பூட்டி சென்றுள்ளனர் .  

நமது மாநில சங்க அலுவலகம், CTO வளாகத்தில் இருக்கிறது. இருப்பினும், திர்ணாமூல் கூலி ஆட்கள் துணிந்து தாக்குதல் நடத்தி உள்ளனர். உடனடியாக, நமது மேற்கு வங்காள மாநில சங்கம், மாநில தலைமை மேலாளரிடம் புகார் தெரிவித்தும், இன்று வரை நடவடிக்கை எதுவும் இல்லை. குறைந்தபட்சம், FIR கூட பதியப்படவில்லை என்பது வேதனையான ஒன்று. நமது மத்திய சங்கம் CMD அவர்களிடம் முறையீடு செய்துள்ளது
திர்ணாமூல் குண்டர்களின் தாக்குதலை கண்டித்து 24.08.2016, புதன்கிழமை அன்று நாடு முழுவதும் கண்டன ஆர்ப்பாட்டம் நடத்த நமது BSNLEU மத்திய சங்கம் அறைகூவல் கொடுத்துள்ளது. அதன்படி,...

Image result for ஆர்ப்பாட்டம்
 நமது மதுரை மாவட்ட சங்கம் சார்பாக...
 24.08.2016, லெவல்-4  முன்பு, மதியம் 1 மணிக்கு 
கண்டன ஆர்ப்பாட்டம் நடைபெறும் 
அனைவரும் திரளாக கலந்து கொள்ள வேண்டுகிறோம்.
--- தோழமையுடன், C. செல்வின் சத்யராஜ் -D/S-BSNLEU.